你唔係唔夠好，你只係一直靠成就嚟證明自己

你有冇試過, 完成咗一件事, 得到讚賞嗰一刻, 開心得返嚟, 但落咗場之後, 個心好快又靜返落嚟, 甚至開始診緊下一樣要做嘅嘢。好似無論做幾多, 都填唔滿嗰個位。

好多人以為, 自己係唔夠上進, 所以先會咁停唔到手。但傾落去, 我發現真正嘅原因通常相反, 唔係唔夠上進, 而係一直靠「做到嘢」嚟確認自己有存在嘅價值。

你嘅價值，幾時開始要靠表現嚟換

細個嗰陣, 如果讚賞同關注, 通常都跟住成績、跟住乖巧、跟住你「做啱咗啲乜」先出現, 你就會學識一條隱藏嘅規則：我要做到啲乜, 先值得被愛。

呢條規則好有用, 令你細個嗰陣識得生存。但帶到大個, 佢會變成一個冇止境嘅追逐, 因為你嘅價值, 由始至終都冇真正屬於過你自己, 一直掛喺你下一次表現嗰度。

停低嗰刻，先係最驚嘅時候

好多人以為, 攰嘅時候休息會令自己舒服啲。但如果你嘅價值一直靠做嘢嚟撐住, 停低反而會令你更唔安, 因為冇嘢做嗰刻, 就冇嘢可以證明返你嘅價值。

所以你會不斷揾嘢做, 唔一定係因為鍾意做, 而係因為停低嗰種空虛感, 太難頂。

一個真實經歷

有個客人事業做得好好, 但佢第一次嚟嗰陣話：「我唔知點解, 明明已經好成功, 但我覺得自己好空。」

傾落去, 佢先記返起, 細個嗰陣, 屋企人淨係喺佢考第一嗰陣先會讚佢, 平時就好少講讚賞嘅說話。佢慢慢學識咗, 要考第一, 先值得被睇見。

佢話, 而家先明白, 成日診緊下一個目標, 唔係因為佢貪心, 而係佢一直唔敢停, 驚一停低, 就冇人再讚佢。

價值唔係要爭取返嚟嘅

真正嘅自我價值, 唔係要靠做啲乜嚟贏返嚟, 佢由你出世嗰刻已經存在。成就可以係你人生嘅一部分, 但唔應該係你價值嘅唯一憑證。

呢個轉變唔會一朝一夕發生, 但每一次你畀自己喺乜都冇做嘅時候, 都覺得自己值得存在, 就係喺練習緊呢件事。

今晚可以試嘅一件事

今晚你可以試下, 揀一件今日冇做到嘅嘢, 然後問自己：如果我今日乜都冇做到, 我仲值唔值得被愛。

呢條問題唔容易答, 但淨係畀自己認真諗一諗, 已經係第一步。

→ 想一路陪你搵返自己價值, 唔使靠成就先覺得夠好嘅, 係我嘅三十日陪伴計劃 Momentum: 兩次 30 至 40 分鐘通話、每星期嘅計劃, 同 WhatsApp check-in。

→ 如果你想先搵個地方, 唔使交成績表都可以被聽見, A Space to Be Heard《一個被聽懂的空間》: 一星期嘅語音同文字陪伴, 慢慢拆開壓住你嘅嘢。